Ein Gwasanaethau Ffisiotherapi

Yn Physio Môn rydym yn cynnig gwasanaeth pwrpasol wedi’i deilwra i gwrdd â’ch anghenion. Rydym yn cynnig amrywiaeth o opsiynau triniaeth ffisiotherapi ar gyfer nifer o gyflyrau. Mae ein triniaethau wedi’u cynllunio i liniaru poen a’ch helpu i symud yn rhwyddach ac i gyrraedd eich potensial llawn. Rydym yma i sicrhau eich bod chi’n gadael eich sesiwn olaf wedi cyflawni newid sylweddol, parhaol a gyda hyder newydd o safbwynt sut mae’ch corff yn teimlo, yn symud ac yn perfformio.

Therapi â Llaw

Mae therapi â llaw yn fath arbenigol o therapi corfforol yn defnyddio’r dwylo yn hytrach na dyfais neu beiriant.
Mewn therapi â llaw, mae ffisiotherapyddion yn defnyddio eu dwylo i roi pwysau ar feinwe’r cyhyrau a’r cymalau er mwyn lleihau poen a gwella symudiad.

Aciwbigo

Aciwbigo yw un o’r ffurfiau hynaf o feddygaeth. Dechreuwyd ei ddefnyddio yn Tsieina dros 3,000 o flynyddoedd yn ôl.

Mewn theori draddodiadol Tsieineaidd mae egni’r corff yn aros yn ei unfan pan fydd problem. Mae ysgogi’r egni gan nodwyddau therapi yn rhyddhau’r llif ac yn helpu’r corff i adfer ei hun i gyflwr iach.

Dengys ymchwil bod y driniaeth yn rhyddhau cemegolion lleddfu poen naturiol sy’n cael eu storio yn yr ymennydd (endorffinau). Mae’r cemegolion hyn yn cynorthwyo’r corff i iacháu yn ogystal â lleddfu’r boen.

Gall aciwbigo helpu gyda’r cyflyrau canlynol:

Problemau gyda’r cyhyrau/cymalau
Anafiadau Acíwt/Cronig
Poen
Arthritis
Poen Cefn a Gwddf
Anafiadau Chwaraeon
Cur pen

Symud Meinwe Meddal

Mae symud meinwe meddal yn derm cyffredinol a ddefnyddir i ddisgrifio ffurfiau gwahanol o therapi tylino. Bydd ffisiotherapyddion yn defnyddio technegau llaw i gael effaith ar y cyhyrau a meinweoedd meddal eraill. Defnyddir symud meinwe meddal i ymlacio’r cyhyrau, i helpu i iachau a thorri lawr meinwe craith.

Mae symud meinwe meddal yn gweithio trwy symud y cyhyrau gan felly dorri meinwe craith i lawr. Mae’r symudiadau hefyd yn helpu i symud cynhyrchion gwastraff o’r ardal sydd wedi’i niweidio sy’n cynyddu cyflymder y broses iacháu. Yn ogystal, mae symud meinwe meddal yn helpu i ryddhau tensiwn yn y cyhyr sy’n cynyddu ystwythder.

Adsefydlu ar ôl Llawdriniaeth

Pa un a ydych chi’n gwella ar ôl cael cymal newydd neu wedi cael triniaeth ar y llawes troëdydd, o lawdriniaeth pen-glin i lawdriniaeth asgwrn cefn gallwn eich helpu gyda’ch adferiad o lawdriniaeth yn ôl i iechyd llawn.

Ar ôl gweithio i wasanaethau GIG lleol am nifer o flynyddoedd mae holl staff Physio Môn yn parhau i fod â pherthynas waith agos â’r llawfeddygon orthopedig lleol a gwybodaeth helaeth o’r protocolau ôl-driniaethol sydd ynghlwm. Gallwn deilwra cynllun triniaeth ar eich cyfer i chi gael yr adferiad gorau posib.

Tapio

Mae tapio neu strapio yn dechneg a ddefnyddir gan ffisiotherapyddion i atal anafiadau neu helpu i adfer ar ôl anaf. Mae tîm Physio Môn wedi’u hyfforddi’n llawn ar sut i ddefnyddio tapio’n effeithiol yn dibynnu ar eich nodau triniaeth.

Gallwn hefyd eich dysgu sut i ddefnyddio tap eich hun fel y gallwch barhau i elwa ohono.

Rheoli Poen Cronig

Mae poen cronig yn boen sy’n parhau, mae fel arfer yn para chwe mis neu fwy ac yn parhau y tu hwnt i’r amser y mae’n cymryd i unrhyw anaf cychwynnol wella.

Gall tîm Physio Môn eich helpu i ddeall mwy am y poen ei hun, beth sy’n eich achosi a sut i ddelio ag ef. Gallwch ddysgu ffyrdd i chi leihau a rheoli eich poen o ddydd i ddydd. Bydd hyn yn caniatáu i chi gymryd rheolaeth a dysgu strategaethau i geisio gwella annibyniaeth ac ansawdd bywyd.

Ein nod yw hyrwyddo hunanreolaeth a’ch helpu i gyrraedd pwynt lle gallwch chi reoli’ch symptomau eich hun heb fod angen apwyntiadau rheolaidd.

Rhaglenni Ymarfer Corff Personol

Yn Physio Môn mae gennym feddalwedd ymarfer corff o’r radd flaenaf sy’n golygu y gallwn ddylunio Rhaglenni Ymarfer Corff Personol pwrpasol i ddiwallu anghenion ein cleifion, pa un ai yw hynny i leihau poen, i gryfhau, neu i gynyddu ystod symudiadau mewn cymal penodol. Yna gellir argraffu’r rhaglenni ymarfer corff hyn i chi fynd â nhw gyda chi ar ôl eich sesiwn neu gellir eu hanfon trwy e-bost atoch chi hyd yn oed – ynghyd â fideos hyfforddi fel eich bod chi’n gwybod yn union beth i’w wneud i’ch helpu i gyflawni’ch nodau.

Ffisiotherapi Iechyd Menywod

Ar gyfer eich holl anghenion ffisiotherapi iechyd Menywod gweler The Pelvic Physios sy’n rhedeg clinig lloeren yn wythnosol yn Physio Môn. I drefnu apwyntiad cysylltwch â The Pelvic Physios yn uniongyrchol

Iechyd Galwedigaethol ac Asesiadau Gweithfan DSE

Fel aelod o’r Gymdeithas Ffisiotherapyddion Siartredig mewn Iechyd ac Ergonomeg, ACPOHE, rydym yn arbenigwyr mewn darparu ffisiotherapi Iechyd Galwedigaethol – ar hyn o bryd mae gennym gontractau gyda rhai cyflogwyr lleol mawr gan gynnig atebion ffisiotherapi cyflym, effeithiol i gadw staff mewn cyflogaeth. Os ydych yn gyflogwr ac yn dymuno trafod sut gallwn eich helpu, anfonwch e-bost at Esther ar physiomon@gmail.com. Rydym hefyd yn gallu darparu asesiadau gweithfan DSE yn eich man gwaith, p’un a yw hynny’n swyddfa gartref neu yn y gweithle, mae hyn yn cynnwys adroddiad ysgrifenedig llawn gydag argymhellion ar gyfer offer priodol.

Digwyddiadau Chwaraeon

Os hoffech i dîm Physio Môn ddod i’ch digwyddiad chwaraeon i ddarparu ffisiotherapi a tylino chwaraeon anfonwch e-bost at Esther ar physiomon@gmail.com i drafod ein pecynnau pwrpasol a chynnwys y llun ynghlwm.

Dosbarthiadau Tylino babanod

Yn newydd ar gyfer 2023 mae dosbarthiadau tylino babanod sy’n cael eu cynnal gan Môn Baby Massage Academy – am ragor o wybodaeth ac i archebu tocynnau gweler…

Siarad Cyhoeddus

Os hoffech archebu Esther Cadogan i ddod i roi sgwrs ar unrhyw beth sy’n gysylltiedig â ffisiotherapi, cysylltwch â ni ar physiomon@gmail.com i drafod eich gofynion ac ychwanegu’r ail lun ynghlwm

Pa un a ydych newydd gael diagnosis, neu wedi bod yn byw gyda’ch cyflwr ers blynyddoedd lawer, mae ein hystod bwrpasol o driniaethau wedi’u teilwra’n arbennig i’ch anghenion. Dyma ychydig yn unig o’r cyflyrau rydym yn eu trin yn ein clinig…

Cyflyrau Rydym yn eu Trin »